Аж үйлдвэр, эрдэс баялгийн сайд Ц.Туваан Хятадын үндэсний химийн инженеринг, барилгын корпораци (CNCEC)-н төлөөлөгчдийг хүлээн авч уулзав. Уулзалтаар талууд аж үйлдвэрийн салбарын хамтын ажиллагаа, нүүрс хими, кокс химийн салбарт хамтран ажиллах боломжийн талаар санал солилцов. Мөн энэ үеэр Монгол Улсын Аж үйлдвэржилтийн үндэсний хорооны Ажлын алба тус компанитай хамтын ажиллагааны санамж бичигт гарын үсэг зурлаа.